sachen, die ich immer schon wissen wollte
dazu gehört das schweizerische bankgeheimnis. nachdem es in nizza von eidgenossen/genossinnen nur so wimmelt - scheinbar ist in der schweiz kein/e schweizer/schweizerin mehr - packte ich die gelegenheit beim schopf und erkundigte mich bezüglich schweizer nummerkonten. den diesbezüglichen email austausch möchte ich nicht vorenthalten:
hier zunächste die anfrage:
Hoi xxx!
I hoffe du hesch d'Wuche guet aagfange. Bi mir macht sech langsam dr
Semeschterändspurt bemerkbar. Aber mir hei näbebi immer no gnue Zyt, um üs über ganz angeri Themen z'ungerhaute hie.
Unger angerem isch eis wiederkehrends Thema, d'Schwiz und die berühmte schwizer Nr.-Konti! Da i scho mehrmaus gfragt worde bi, wi das funktioniert usw. hani när mau gseit, i tüeng das mau xxx frage, vilech chasch du üs da ja e chli witerhäufe!? ;-) Frag di itz nid... mir ungerhaute üs auso o durchus no über angeri Sache, aber das isch so e Frag, wo immer wieder uftoucht u langsam
interessierts mi o säuber. Aber gäu, isch nid so tragisch, we nid grad Zyt hesch zum antworte... isch ja nid so e wichtigi Frag! ;-)
Unger angerem chömme fougendi Frage uf:
- Wi heisse die Banke?
- Isch das würklech so wi i de Filme, wos aube so Schliessfächer git? Wenn ja, wie gross si die Schliessfächer?
- Wi chunnt me im Usland derzue?
- Wär het e Schlüssu/Zuegang zum Konto?
- Wi chunnt me zu somene Konto?
Ja... das wärs gloub mau so... gäu, du lachsch itz sicher mega... *gg*... hoffe es macht der nüt us, mir das e chli
z'erkläre! I tue de das a mini öschtrichische/dütsche/französische Fründe hie witerleite!;-)
Ganz liebi Grüess u merci!!!
die antwort lies nicht lange auf sich warten:
Salü xxx,
Merci für dis interessante Mail, dir tüet euch da ja mit ganz wichtige Frage umeschlah. Auso, vö mer einisch a:
Schliessfächer
Aes git i dr Regel 3 Sorte, chlini (ca.-Mass: 40 cm läng x 30 cm breit x 7 höch), mittleri (40 cm läng x 30 cm breit x 15 höch) u de grossi 40 cm läng x 30 cm breit x 25 cm höch); d'Mäss stimme allwäg nid genau, i ha das Züüg scho lang nümm gmässe. De gits o grösseri, das si aber de scho fasch chlineri Schränk, wo me Bilder cha dri tue u so Sache, aber vo dene hei mir o nume villicht 3 -4! Zahle tuet är Miete eifach je nach Grössi vom Fach.
Zuegang zu de Schliessfächer
Die Fächer hei 2 Schlüssellöcher: Das links isch für ä Schlüssel vom Chund (wenn är chunnt cho z'Fach miete, de überchunnt är 2 Schlüssel, äbe beidi fürs linke Loch), im rächte Loch chunnt immer dr Schlüssel vo der Bank.
Z'Fach uftue chame nume, wenn beidi Schlüssel tüe stecke. Wenn dr Chund a Schalter chunnt u zum Fach wot, de mues är sich uswise, genau wie wenn är wetti ä Bezug mache vomene Konto. Aer geit bi üs allei abe zu sim Fach, ohne Angestellte, will mir chli moderner sy u dr Bankschlüssel nüm müesse sälber go inestecke; mir chöi ds rächte Schlüsselloch elektronisch vom Kasseruum us entriegle (äs isch aber no nid allne Orte so, heisst das, dert mues ä Agschtellte-ti mit abegah u zrächte Schloss go ufmache u warte, bis dr Chund sini Sach erlediget het, für de wider chönne z'schliesse); de hets dert chlini Rüüm wo är inecha sis Züüg go erledige, go usenäh, was är wott oder öppis dri tue. Mir aus Bank hei ke Ahnig, was är drinne het. D'Banke tüe d'Gsamtheit vo de Tresorfächer fürne symbolische Betrag versichere, wüu me ja nid cha säge, ob itz total 10 Mio oder 100 Mio Wärte i dene allne Fächer drinne si.
Wie chunnt me im Usland drzue?
Ueberhaupt nid, mi muess härecho uf die Bank, dr Schlüssel mitbringe, süsch ohni dä cha ja o Bank nid uftue. Dr Chund cha natürlich, wie bimene Konto ou, öpperen bevollmächtige, für ä Zuetritt zum Schliessfach. Wenn dr Chund siner beide Schlüssel tuet verlüre u nümme findet, de mues - hani bi üs öppe vor 2 Monet erläbt - Tresorfirma zuenis cho u das Fach ufbohre; äs müesse i däm Fall 2 unterschriftsberächtigti Persone vo dr Bank zäme mit äm Chund anwäsend si u dörfe nid wäg, bis dr Spezialischt das Fach ufgmurgset het. Wenn die Person, wo das Fach gmietet het, gschtorbe isch, de muess sogar ä Notar härecho, zäme mit de Erbe. Weme de Zuegang het u die Schachtle cha usenäh, de git mese äm Chund (oder äbe am Notar) gschlosse, das är ohni dass die angere Awäsende chöi driluege das was drinne isch cha usenäh u de git är eifach dä Banklüüt z läre Chischtli zrügg.
Nummere Konto oder Pseudonym-Konto
Beides isch z'Gliche. Wenn ä Chund das wott, de mues är si Name u sini Härkunft ganz genau deklariere (mir kopiere dr Pass oder d'ID). Heisst das, Bank weiss genau, mit wäm sis z'tüe het. Aes isch also nid öppe so, das me cha härecho u säge, i hät gärn äs Nummmere oder äs Pseudonym-Konto, ohni das me sech muess oute. Nummere- oder ou Pseudonym-Konto hei nume d'Funktion - u do ligt dr Irrgloube vo vilne Usländer drin begrabe - dass ihre richtige Name i dr Bank sälber nume villicht 2 - 3 Persone bekannt isch. Alli andere Angestellte mache ihri Arbeit nume ufgrund vom Nummero oder vom Pseudonym.
Meischtens gö die Lüt nid eifach a Schalter, sondern si hei ä persönliche Betreuer i dr Bank; wenn also so ne Chund wot ä Transaktion am Schalter mache, de chunnt dr Kundeberater mit oder är chunnt dr Beleg mit Gäld cho hole u dr Chund wartet irgendwo imene Besprächigsräumli. Dr Chund tuet uf äm Beleg nid mit äm richtige Name unterschribe, sondern wenn bspw. Konto Nr. 1601 het, de schribt är die Zahl i eim Wort, nämlich 'tausendsechshunderteins' oder äbe 'millesixcentszeroun'. Wenn är äs
Pseudonym het wo lutet uf 'josef buckingham' de schribt är das o so häre. I beidne Fäll het dr Chund vorhär müesse bir Kontoeröffnig äs Formular unterschribe wo si richtig Name druf isch, mit Adrässe, Jahrgang, usw. und o d'Rubrik 'Vorstehender Kunde zeichnet bei allem Transaktionen und im Umgang mit der Bank mit ........¨! Dert chunnt äbe de sini Nummere-oder Pseudonymunterschrift vo Hand gschribe häre, wie igs beschribe ha. Wenn ä settige Chund plötzlich ines Strafverfahre inechunnt u d'Bank ufgforderet wird, däm siner alli Beziehige azgäh, de muess si die Nummere- oder Pseudonymverbindige ou offelege, süsch macht si sich strafbar. Settigi Kontoverbindige si also nume drfür da, dass nid jede Schnoutz i dr Bank weiss, wie dä Krösus heisst. Süsch gä si gar kei zuesätzliche Schutz ab, si glich z'behandle, wie nes normals Namekonto ou.
So, itz bini chli läng worde, aber i ha dänkt, ig wöll das grad mache, will gmacht isch gmacht.
LIebs Grüessli
PS. We no meh Frage hesch, de chunnsch eifach wider!
hier zunächste die anfrage:
Hoi xxx!
I hoffe du hesch d'Wuche guet aagfange. Bi mir macht sech langsam dr
Semeschterändspurt bemerkbar. Aber mir hei näbebi immer no gnue Zyt, um üs über ganz angeri Themen z'ungerhaute hie.
Unger angerem isch eis wiederkehrends Thema, d'Schwiz und die berühmte schwizer Nr.-Konti! Da i scho mehrmaus gfragt worde bi, wi das funktioniert usw. hani när mau gseit, i tüeng das mau xxx frage, vilech chasch du üs da ja e chli witerhäufe!? ;-) Frag di itz nid... mir ungerhaute üs auso o durchus no über angeri Sache, aber das isch so e Frag, wo immer wieder uftoucht u langsam
interessierts mi o säuber. Aber gäu, isch nid so tragisch, we nid grad Zyt hesch zum antworte... isch ja nid so e wichtigi Frag! ;-)
Unger angerem chömme fougendi Frage uf:
- Wi heisse die Banke?
- Isch das würklech so wi i de Filme, wos aube so Schliessfächer git? Wenn ja, wie gross si die Schliessfächer?
- Wi chunnt me im Usland derzue?
- Wär het e Schlüssu/Zuegang zum Konto?
- Wi chunnt me zu somene Konto?
Ja... das wärs gloub mau so... gäu, du lachsch itz sicher mega... *gg*... hoffe es macht der nüt us, mir das e chli
z'erkläre! I tue de das a mini öschtrichische/dütsche/französische Fründe hie witerleite!;-)
Ganz liebi Grüess u merci!!!
die antwort lies nicht lange auf sich warten:
Salü xxx,
Merci für dis interessante Mail, dir tüet euch da ja mit ganz wichtige Frage umeschlah. Auso, vö mer einisch a:
Schliessfächer
Aes git i dr Regel 3 Sorte, chlini (ca.-Mass: 40 cm läng x 30 cm breit x 7 höch), mittleri (40 cm läng x 30 cm breit x 15 höch) u de grossi 40 cm läng x 30 cm breit x 25 cm höch); d'Mäss stimme allwäg nid genau, i ha das Züüg scho lang nümm gmässe. De gits o grösseri, das si aber de scho fasch chlineri Schränk, wo me Bilder cha dri tue u so Sache, aber vo dene hei mir o nume villicht 3 -4! Zahle tuet är Miete eifach je nach Grössi vom Fach.
Zuegang zu de Schliessfächer
Die Fächer hei 2 Schlüssellöcher: Das links isch für ä Schlüssel vom Chund (wenn är chunnt cho z'Fach miete, de überchunnt är 2 Schlüssel, äbe beidi fürs linke Loch), im rächte Loch chunnt immer dr Schlüssel vo der Bank.
Z'Fach uftue chame nume, wenn beidi Schlüssel tüe stecke. Wenn dr Chund a Schalter chunnt u zum Fach wot, de mues är sich uswise, genau wie wenn är wetti ä Bezug mache vomene Konto. Aer geit bi üs allei abe zu sim Fach, ohne Angestellte, will mir chli moderner sy u dr Bankschlüssel nüm müesse sälber go inestecke; mir chöi ds rächte Schlüsselloch elektronisch vom Kasseruum us entriegle (äs isch aber no nid allne Orte so, heisst das, dert mues ä Agschtellte-ti mit abegah u zrächte Schloss go ufmache u warte, bis dr Chund sini Sach erlediget het, für de wider chönne z'schliesse); de hets dert chlini Rüüm wo är inecha sis Züüg go erledige, go usenäh, was är wott oder öppis dri tue. Mir aus Bank hei ke Ahnig, was är drinne het. D'Banke tüe d'Gsamtheit vo de Tresorfächer fürne symbolische Betrag versichere, wüu me ja nid cha säge, ob itz total 10 Mio oder 100 Mio Wärte i dene allne Fächer drinne si.
Wie chunnt me im Usland drzue?
Ueberhaupt nid, mi muess härecho uf die Bank, dr Schlüssel mitbringe, süsch ohni dä cha ja o Bank nid uftue. Dr Chund cha natürlich, wie bimene Konto ou, öpperen bevollmächtige, für ä Zuetritt zum Schliessfach. Wenn dr Chund siner beide Schlüssel tuet verlüre u nümme findet, de mues - hani bi üs öppe vor 2 Monet erläbt - Tresorfirma zuenis cho u das Fach ufbohre; äs müesse i däm Fall 2 unterschriftsberächtigti Persone vo dr Bank zäme mit äm Chund anwäsend si u dörfe nid wäg, bis dr Spezialischt das Fach ufgmurgset het. Wenn die Person, wo das Fach gmietet het, gschtorbe isch, de muess sogar ä Notar härecho, zäme mit de Erbe. Weme de Zuegang het u die Schachtle cha usenäh, de git mese äm Chund (oder äbe am Notar) gschlosse, das är ohni dass die angere Awäsende chöi driluege das was drinne isch cha usenäh u de git är eifach dä Banklüüt z läre Chischtli zrügg.
Nummere Konto oder Pseudonym-Konto
Beides isch z'Gliche. Wenn ä Chund das wott, de mues är si Name u sini Härkunft ganz genau deklariere (mir kopiere dr Pass oder d'ID). Heisst das, Bank weiss genau, mit wäm sis z'tüe het. Aes isch also nid öppe so, das me cha härecho u säge, i hät gärn äs Nummmere oder äs Pseudonym-Konto, ohni das me sech muess oute. Nummere- oder ou Pseudonym-Konto hei nume d'Funktion - u do ligt dr Irrgloube vo vilne Usländer drin begrabe - dass ihre richtige Name i dr Bank sälber nume villicht 2 - 3 Persone bekannt isch. Alli andere Angestellte mache ihri Arbeit nume ufgrund vom Nummero oder vom Pseudonym.
Meischtens gö die Lüt nid eifach a Schalter, sondern si hei ä persönliche Betreuer i dr Bank; wenn also so ne Chund wot ä Transaktion am Schalter mache, de chunnt dr Kundeberater mit oder är chunnt dr Beleg mit Gäld cho hole u dr Chund wartet irgendwo imene Besprächigsräumli. Dr Chund tuet uf äm Beleg nid mit äm richtige Name unterschribe, sondern wenn bspw. Konto Nr. 1601 het, de schribt är die Zahl i eim Wort, nämlich 'tausendsechshunderteins' oder äbe 'millesixcentszeroun'. Wenn är äs
Pseudonym het wo lutet uf 'josef buckingham' de schribt är das o so häre. I beidne Fäll het dr Chund vorhär müesse bir Kontoeröffnig äs Formular unterschribe wo si richtig Name druf isch, mit Adrässe, Jahrgang, usw. und o d'Rubrik 'Vorstehender Kunde zeichnet bei allem Transaktionen und im Umgang mit der Bank mit ........¨! Dert chunnt äbe de sini Nummere-oder Pseudonymunterschrift vo Hand gschribe häre, wie igs beschribe ha. Wenn ä settige Chund plötzlich ines Strafverfahre inechunnt u d'Bank ufgforderet wird, däm siner alli Beziehige azgäh, de muess si die Nummere- oder Pseudonymverbindige ou offelege, süsch macht si sich strafbar. Settigi Kontoverbindige si also nume drfür da, dass nid jede Schnoutz i dr Bank weiss, wie dä Krösus heisst. Süsch gä si gar kei zuesätzliche Schutz ab, si glich z'behandle, wie nes normals Namekonto ou.
So, itz bini chli läng worde, aber i ha dänkt, ig wöll das grad mache, will gmacht isch gmacht.
LIebs Grüessli
PS. We no meh Frage hesch, de chunnsch eifach wider!
herrtrema - 24. Apr, 14:20
